Mignoned mirdi Yan’ Dargent
Jean Berthou, krouer ar Mirdi Yan’ Dargent © Poltred Albert Pennec
Kevredigezh Mignoned Mirdi Yan’ Dargent – AMY’D, leun a vuhez
La création de l’association des Amis du Musée Yan’ Dargent est indissociable de la personnalité de Jean Berthou. Depuis le décès de son fondateur en décembre 2022, l’association poursuit ses activités avec une belle vitalité. Comme en témoignent les différents événements autour du bicentenaire de la naissance de Yan’ Dargent en 2024 et le projet de nouveau musée.
Gant anaoudegezh vat evit karantez an arzour ouzh e vro c’henidik en doa bet c’hoant Jean Berthou digeriñ ur mirdi gouestlet da Yan’ Dargent e Sant-Servez. E miz Even 1989 e oa krouet kevredigezh Mignoned Mirdi Yan’ Dargent. E 1991 e oa digoret ar mirdi e ti-skol kozh ar baotred. Gant Jean Berthou e bet pinvidikaet an dastumadoù a vloaz da vloaz ha talvoudekaet oberenn Yan’ Dargent gant embannadennoù ha prezegennoù. Entanet kenañ eo bet atav o tiskouez an dastumadoù hag an diskouezadegoù d’ar weladennerien.
Hiziv ez eus ouzhpenn hanter-kant ezel e kevredigezh Mignoned Mirdi Yan’ Dargent.
Goude marv Jean Berthou e miz Kerzu 2022 ez eus deuet ur skipailh nevez da gemer e karg merañ ha kreskiñ ar mirdi, en-dro d’e brezidant Ronan Hirrien, gant ar c’hoant da reiñ d’al lec’h-mañ ar ment hag ar brud dellezet.
A-drugarez d’hec’h izili ha donezonerien e c’hell ar gevredigezh miret gwelloc’h oberennoù Yan’ Dargent, studiañ anezho ha kinnig diskouezadegoù. Evit kement-mañ eo bet soutenet gant ti-kêr Sant-Servez ivez a-hed ar bloavezhioù. En concertation avec la municipalité et la DRAC Bretagne, un projet d’installation d’un nouveau musée consacré à Yan’ Dargent dans l’ancien presbytère est actuellement à l’étude.
Mignoned Mirdi Yan’ Dargent zo ur gevredigezh anavezet a laz hollek hag a c’hell embann kuitañsoù kemedel evit ar roadennoù graet dezhi.
Ronan Hirrien, prezidant kevredigezh Mignoned ar Mirdi Yan’ Dargent