Dindan an titr-mañ ez eus bodet 40 poltred argantek e gwenn ha du kemeret e Breizh hag en Iwerzhon. Berzh bras en doa bet en diskouezadeg-mañ e Pologn (Olstyn ha Poznan) un nebeud bloavezhioù zo, hag ur wech all e puis à Plaeraneg en hañv 2025. Un diplom a enor a oa bet roet d’ar poltreder gant ur sindikad tennerien-poitridi eus bro Bologn : ur frapad dic’hortoz e-pad al lid digeriñ hag a zo chomet merket e spered Roger Moizan.
A orin eus Sant-ke-Porzh-Olued eo Roger Moizan ha bet ganet d’an 18 a viz Eost 1942 e Sant-Brieg. Azalek 1979 ez a gant hent an tennañ poltriji dre glask selloù tud simpl, kement ha testeniañ eus ster don an dud hag an traoù.
Awen a gav e div vro dreist-holl, Breizh hag Iwerzhon. Roger Moizan a ziskouez anezho hep ardoù, hep sil ebet, flach ebet na dron ebet. Ur stumm arzel disheñvel eo ar poltredoù argantek diouzh ar re niverel.
En em gavout gant ar peizant © Roger Moizan